Gall byd natur adfer - os byddwn yn buddsoddi ynddi

Bydd eich neges yn cael mwy fyth o effaith os byddwch yn ei gwneud yn bersonol. Mae croeso i chi newid y llinell pwnc neu ychwanegu ychydig o eiriau am y lleoedd neu’r bywyd gwyllt sy’n bwysig i chi. Gwiriwch eich manylion, yna cliciwch 'Anfon' pan fyddwch chi'n fodlon â'ch neges.

Rydw i’n ysgrifennu atoch chi oherwydd bod bywyd gwyllt yn bwysig iawn i mi ac rydw i eisiau gweld dyfodol i Gymru lle mae byd natur a phobl yn ffynnu gyda’i gilydd. Fel fy AS, rydw i’n gofyn i chi helpu i sicrhau bod y Senedd hon yn cyflawni dros fyd natur drwy wneud y canlynol:

• Blaenoriaethu byd natur yn y Gyllideb, gyda mwy o fuddsoddiad tymor hir mewn cadwraeth natur a rheoli tir yn gynaliadwy i roi Cymru ar y trywydd iawn i adfer natur erbyn 2030.

• Rhoi adferiad byd natur wrth galon polisi defnydd tir, gan gynnwys adolygu rheoliadau ffermio a sicrhau bod y Cynllun Ffermio Cynaliadwy yn galluogi ffermwyr i adfer byd natur a mynd i’r afael â newid yn yr hinsawdd.

• Gosod targedau bioamrywiaeth uchelgeisiol a sicrhau llywodraethu amgylcheddol cryf i atal difrod a sbarduno gweithredu cadarnhaol ar gyfer rhywogaethau a chynefinoedd.

• Sicrhau bod gan ardaloedd gwarchodedig adnoddau priodol, eu bod yn cael eu rheoli, eu monitro a’u hehangu, gan gefnogi bywyd gwyllt ffyniannus ledled ein cefn gwlad a’n moroedd.

Byddwch yn llais cryf dros fyd natur yn y Seithfed Senedd a helpu i sicrhau bod Llywodraeth Cymru yn blaenoriaethu ac yn buddsoddi yn ei hadferiad. Mae buddsoddi mewn byd natur yn golygu buddsoddi mewn pobl iachach, cymunedau cryfach, busnesau cydnerth a Chymru well ar gyfer cenedlaethau’r dyfodol.

Gobeithio y gallaf ddibynnu arnoch chi i roi byd natur wrth galon y broses o wneud penderfyniadau yng Nghymru.

Cofion cynnes,